Top >>Temples >>சிவாலய ஓட்டம் - 12
3:30:05 PM         Monday, August 25, 2014 
11. திருபன்றிகோடு

11. திருபன்றிகோடு

திருப்பன்றிக்கோடு

திருத்தல இருப்பிடம் : இந்தியாவில் தமிழ்நாடு மாநிலத்தில் கன்னியாகுமரி மாவட்டத்தில் மார்த்தாண்டத்திலிருந்து சுமார் 8 கி.மீ தொலைவில் உள்ள பழமையான ஒரு கோயில் ஆகும். திருவிதாங்கோட்டிலிருந்து மேற்காக 4 கி.மீ தொலைவில் பள்ளியாடியில் இத்தலம் அமைந்துள்ளது

மூலவர் : திருப்பன்றிக்கோடு மகாதேவர்

கோயில் அமைப்பு : இத்தலம் 12 சிவாலயங்களில் பதினொன்றாவது சிவாலயம் ஆகும். இக்கோயில் கேரள கட்டடக்கலையமைப்பில் கட்டப்பட்டுள்ளது. வட்ட வடிவில் கோயிலும், கூம்பு வடிவத்தில் தட்டு விமானமும், அதன் மேல் செம்புத் தகடு வேய்ந்த கூரையும் கொண்டு அமைக்கப்பட்டுள்ளது. செவ்வக வடிவில் நந்தி மண்டபமும் பலிபீடமும் உள்ளது. நந்தி மண்டபம் ஓடு வேயப்பட்டுள்ளது. விமானத்தின் கிழக்குப்பக்கம் இந்திரனும், தெற்குப்பக்கம் தட்சிணாமூர்த்தியும், மேற்கே நரசிம்மனும், பிரம்மனும் அமர்ந்திருக்கின்றனர்.

திருத்தல வரலாறு : சுந்தரபுராணத்தில் பன்றிக்கோடு பற்றி ஒரு கதை கூறப்படுகிறது. இரணியன் என்ற அரக்கன் தேவர்களைத் துன்புறுத்தி வந்தான். ஒரு நாள் புமா தேவியை விழுங்கிவிட்டு பாதாள உலகில் சென்று மறைந்து கொண்டான். தேவர்கள் திருமாலிடம் தங்களைப் பாதுகாக்க வேண்டுமென்று வேண்டினர். திருமால் பன்றியுருவம் கொண்டு பாதாள உலகம் சென்று அரக்கனையழித்து பூமியைக் காத்தார். அந்த வெற்றியால் செருக்குக் கொண்ட பன்றி தான் யார் என்பதை மறந்து உலகத்தாரைத் துன்புறுத்தியது. கடலைக் கலக்கியது. மகாதேவர் தோன்றி பன்றியின் கொம்பை ஒடித்தார். இறைவனின் கைபட்டதும் பன்றி தன் சுய உருவத்தையடைந்தது. திருமால் சிவபெருமானைத் தரிசித்து தன் இருப்பிடம் சென்றார். இக்கதை நடந்த இடம்தான் திருப்பன்றிக்கோடு என்று கூறப்படுகிறது இறைவனின் மார்பில் பிறைச்சந்திரன் போன்று கொம்பு அழகூட்டி நிற்பதைக் காணலாம்.

விழாச்சிறப்பு : ஆண்டுதோறும் கார்த்திகை மாதம் திருவிழா நடைபெறும். சிவராத்திரியன்று மிகச் சிறப்பாக விழா கொண்டாடப்படும். இரவு முழுவதும் மக்கள் வந்தவண்ணம் இருப்பர்.

விமானதளம் : திருவனந்தபுரம்

ரயில் நிலையம் : குழித்துறை

பஸ்வசதி : உண்டு

இடவசதி : இல்லை

உணவு வசதி : இல்லை

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​